ம்ஹளி அவதார் - மச்சாவதாரம் - Matsya Avatar

தசாவதார நடன லிங்க்  

https://www.youtube.com/watch?v=2VgIEfndhwQ

பி3ரம்மா நிஞ்ஜத்கோ ஜேத் , பிரளயம் அவுடை3.  திஸ்கனி ஜேவாள்  சலே பிரளயம் வேள, ப்ரம்மா நின்ஜத்கொ ஜியாஸ்.  தி வேள; தெங்கா ஹாதும் ர்ஹீ வேத3முன் ஜி2ர்க்கி3 பொள்ளிடி3ஸ்.  தெவ்ளாக் " ஹயக்ரீவா "  மெனரே அஸுர த3ல்ல, வேதமுனுக் சொரி லிக்கடி3 தெ2வில்டெ3ஸ்.  பி2ர் ப4கவான் மஹாவிஷ்ணு ம்ஹளி அவதார்ரும் அவிகி3ன் வேத3முனுக் தி அஸுர த3ல்ல ஜொவள் ர்ஹீ க2ள்ளி அவாஸ் .

சத்யவிரத மெனத்தே ராஜா, ப4கவான் மஹாவிஷ்ணுக் ப4க்தி கெர்னர்.  சத்யவிரத ராஜா, நெத்தீ3 கெட்டாம் தபஸ் கெர்லே ஹொன்தாஸ்.  ஒன்தீ3, தெங்கா நித்ய-அனுஷ்டான- காமுன் கேரத்த்கொ,  நெத்தீ3ம் ஹுதிரி, ச்சூள்-ம் பனி முஞ்சி, தர்பண ஸோட3த்தே வேல, தி ராஜா ஹாது-பனீம் ந்நன்ஹ ம்ஹளி அப்பேஸ்.

தி ம்ஹளிக் பி2ரி நெத்தீ3மூஸ் ஸோட3த்தக்கோ ஒங்கா3ஸ்.   தெவ்ளாக், தி ம்ஹளி, ராஜாநூ ..  யெ நெத்தீ3ம் ஸெஸ்த்தே வெக்கல ஜீவுன் மொகக்3 க2னோ-மெனி யத்தன கெர்லே ஸே.  தெக3 லெங்கா3ல் மோகோ3 தா4க்3 லகோ3ஸ்.  மொக3க் துமி க2ள்ளி ஜீ ரட்சண கெரோ - மெனி மெனேஸ்.

தி ரஜாக், ம்ஹளி ஹோர் கருணா அவேஸ்.  தெங்கா கமண்ட3லம்மு தெ2விலி, கே4ர் க2ள்ளி ஜியாஸ்.  து3ஸ்ரந்தி3ன், தி ம்ஹளி கமண்ட3லம் ஸோருக் ஹொல்டி3  ஹொந்தேஸ் !.  தி ஸியே ரஜொ, அங்கு3 ம்ஹட்ட பாத்ரம்மு தெ2வாஸ்.

பயேத், தெக3  து3ஸ்ராந்தி3ன் ... தி ம்ஹளி தி பாத்திரம் ஸோருக் ஹொள்ளிடி  ஹொந்தேஸ் !!  பி2ர் வெக்கல பாத்திரமும் தெ2வாஸ்.  பி2ர் வாபிம் ஸொடா3ஸ். வாபி ஸோருக்  ஹொள்ளிடி3ஸ் தி ம்மஹளி  !!    பி2ர் தளாம் ஸொடா3ஸ் தளா-ஸோருக் ஹொள்ளிடி3ஸ் தி ம்மஹளி  !!!  பி2ர் சரஸ்-ம்  (ஏரி)  ஸொடா3ஸ் .  அங்கு3 ம்ஹட்ட சரஸ்-ம் (ஏரி) ஸொடா3ஸ்.  திஸோஸ்... அந்தும்; ஸெந்தூ3ரும் ஸொடா3ஸ்.  

தெவ்ளாக்; ரஜோ, தி ம்மஹளி லத்த மெநாஸி; " துமி ப4கவான் நாராயணா க3னீஸ் ர்ரஹனோ...   எ லோகுனுக் கின், ஜீவுனுக்கு ரட்சண கெரத்கோஸ் துமி இஸா ரூப் கள்ராஸ்.  தும்கக்3 மொர் நமஸ்கார்.  இஸான் ரூப் ககொ3 க2ள்ராத்தே மெனி மொக3க் ஸங்கு3வோ ..." மெனி புஸாஸ் ரஜோ.

தெக3 ப4ர்த்திக3 விஷ்ணு ஸங்கா3ஸி " ஹிந்தா3 ரஃர்ஹீ ஸதோன் தி3ன்னு எ பூ4லோக்  பனீம் பு3ள்ட3ய்.  மி தொகோ3 ஒண்டே நௌகா தொ3வுஸ்..   லோகும் அஸ்கி-பூரா பிராணின்கெ3 வகா3க் ஒண்டே ஜோடி ஹிங்கடலி து மில்ல தி நௌகாம் ஹிங்கிலே .  சாத் ரிஷீன் கின்னு தொர்  செங்க தி நௌகாம் அவோன்.  

தெவ்ளாக், மி ம்ஹலி ரூபும் அவு ...  ம்ஹலி தொஸ்காம் ஒண்டே கு2டொ  (கொம்பு) ரஃர்ஹாய்.  தி கு2டாம்; நௌகாக் தோர்-ம் ப3ந்தி3 தே2வ் .  மி வீட்சிலி ஜொவ்.  பிரளயம் அந்து ஹோத்தே லெந்துக் நௌகாக் மி ரட்சண கெரு.. மெனி மெனாஸ் விஷ்ணு.  

சத்யவிரதா ரஜொ, விஷ்ணு ஸங்கே ஸொகனுஸ் கெராஸ்.  ஸதோன் தின்னு, பூரா பிராணின் ஹிங்கே நௌகாக் சொன்னா-வர்ண ம்மஹலிகன் அவி நௌகாக் பந்திலியாஸ் .  பிர் நௌகா நிகிலேஸ் .. தி ரஜோ விஷ்ணுக் ஸ்துதி கிராஸ்.  சொந்தோஷ் பொடே விஷ்ணு உபதேஸ் தியாஸ்.  

பிரளயம் ஹொயேஸ் ... பிரம்மா ஹோங்கும் ரஃர்ஹீ ஹுடாஸ் ... மஹாவிஷ்ணு ஹயக்ரீவாக் மரி கள்ளி அவே வேதமுன்னுக் பிரம்மா ஜொவள் தியாஸ்.
https://www.youtube.com/watch?v=AS7_FJxOXzQ